QR Prezıdenti Saýd Arabııasy Memlekettik ınvestıtsııalyq qorynyń basqarýshysymen kezdesti
Memleket basshysyna álemdegi eń iri derbes ál-aýqat qorynyń biri – Saýd Arabııasynyń memlekettik ınvestıtsııalyq qorynyń qyzmeti jóninde aqparat berildi. Qor basshysy ıAsır Ál-Rýmaııan ekonomıkanyń ártúrli salalarynda júzege asyrylyp jatqan jobalar týraly aıtty.
Qasym-Jomart Toqaev Qazaqstannyń ártúrli salalar boıynsha ózara tıimdi yntymaqtastyqty júzege asyrýǵa nıetti ekenin atap ótip, ózara ortaq múddeni kózdeıtin jobalardy júzege asyrý úshin Saýdııa Arabııasy ınvestıtsııalyq qory men «Samuryq-Qazyna» AQ jáne «UBH «Báıterek» kompanııalary arasyndaǵy tyǵyz yqpaldastyqty jolǵa qoıýdy usyndy.
Qor Saýdııanyń basqa da kompanııalary sııaqty munaı-hımııa ónerkásibindegi, jasyl energetıkany damytý salasyndaǵy, metallýrgııa jáne taý-ken sektorlaryndaǵy, sondaı-aq aýyl sharýashylyǵyn tereń óńdeý jónindegi iri ınvestıtsııalyq jobalarǵa qatysýǵa shaqyryldy.
Saýd Arabııasy Koroldiginiń Memlekettik ınvestıtsııalyq qory – «Public Investment Fund» 1971 jyly qurylǵan. Qor Koroldiktiń jáne aımaqtyń ónerkásip pen ınfraqurylym salalaryndaǵy memlekettik jáne kvazımemlekettik uzaq merzimdi jobalaryn basty qarjylandyrý kózi.
Bul – jıyntyq aktıvteri 620 mıllıard dollar bolatyn álemdegi iri derbes qorlardyń biri. PIF qorynda eldiń qundy aktıvteri, onyń ishinde «Saudi Aramco» iri munaı kompanııasynyń aktıvteri de ornalasqan.
Dırektorlar keńesiniń tóraǵasy – Saýd Arabııasy Koroldiginiń Taq murageri – Muhammed ben Salman. Basqarýshy – ıAsır Osman Ál-Rýmaııan.
Qor ulttyq jáne halyqaralyq dárejedegi uzaq merzimdi jobalarǵa ınvestıtsııa quıý esebinen álemdik deńgeıdegi ártaraptandyrylǵan portfel qalyptastyrady.
Qyzmettiń negizgi baǵyttary: ónerkásip, ınfraqurylym, halyqaralyq bıznes, eksporty qoldaý, qorshaǵan ortaǵa áleýmettik qoldaý kórsetý jáne ony qorǵaý, telekommýnıkatsııalar, aeroǵarysh ónerkásibi, energetıka, jasyl tehnologııalar.
Pandemııa kezinde qor 8,7 mıllıard dollarǵa jýyq álemdik iri kompanııalardyń aktsııalaryn satyp aldy (Boeing, Facebook, Disney, Marriott ı Starbucks). Sondaı-aq qor AQSh-tyń iri Citigroup jáne Bank of America bankterine ınvestıtsııa quıdy. Sonymen qatar BP, Total, Royal Dutch Shell, Eni ı Equinor ASA sııaqty munaı alpaýyttarynyń aktsııalaryn satyp aldy.
2021 jyly PIF qory elektrondyq kommertsııadan jáne qarjy tehnologııalarynan bastap, bıotehnologııalar jáne otyn elementterindegi kommertsııalyq avtokólikterge deıingi ártúrli kompanııalarǵa ınvestıtsııa quıý arqyly AQSh-tyń aktsııalaryna salymdy úsh ese arttyryp, 43 mıllıard dollarǵa deıin jetkizdi. Jańadan PayPal, Alibaba, Walmart, Pinterest jáne basqa da kompanııalarǵa ınvestıtsııa salǵan.
Foto: akorda.kz
