QR Prezıdenti RHDÝ qurmetti ǵylym doktory mantııasy men dıplomy tabys etildi
MÁSKEÝ. QazAqparat - Qazaqstan Respýblıkasynyń Prezıdenti Nursultan Nazarbaev Reseı halyqtar dostyǵy ýnıversıtetiniń rektory Vladımır Fılıppovpen kezdesti.
Júzdesý barysynda V. Fılıppov Memleket basshysyna «RHDÝ qurmetti ǵylym doktory» mantııasy men dıplomyn tabys etti.
Kezdesý kezinde Qazaqstan men Reseıdiń jetekshi joǵary oqý oryndarynyń ózara yqpaldastyǵy máseleleri, sondaı-aq eki eldiń bilim berý salasyndaǵy yntymaqtastyǵynyń perspektıvaly baǵyttary talqylandy.
Memleket basshysy bilim berý isindegi kóshbasshylardyń biri bolyp sanalatyn bilim ordasy bizdiń el úshin de bilikti mamandar daıarlaý isine eleýli úles qosyp otyrǵanyn aıtty. Máselen, búginde ýnıversıtette Qazaqstannan kelgen 500-den asa stýdent oqyp jatyr, bul álemniń 150 eli ishinde ekinshi oryndaǵy kórsetkish bolyp sanalady.
V.Fılıppov Nursultan Nazarbaevqa elderimizdiń arasyndaǵy gýmanıtarlyq yntymaqtastyqty damytýǵa, sondaı-aq Qazaqstan men Reseı joǵary oqý oryndary arasyndaǵy tolyqqandy akademııalyq yqpaldastyqqa qolaıly jaǵdaı jasaýǵa kóńil bólip otyrǵany úshin alǵys aıtty.
