QR Prezıdenti RF rýbliniń devalvatsııasy saldarynan ekonomıkamyzda qabyldanyp jatqan sharalar jaıynda aıtty
Memleket basshysy osy sanktsııalar Qazaqstanǵa tikeleı áser etpeıtinin jetkizdi. Reseı negizgi seriktesimiz ekenin atap ótken Elbasy bul sanktsııalardan jaqsylyq kútýge bolmaıtynyna toqtaldy: «Qazirgi kezde bizdiń azamattar Reseıge baryp, arzan taýarlar alyp jatyr. Adamdar úshin bul jaqsy sekildi, ıaǵnı bizge qaraǵanda mashınalardy 10-15 myńǵa (dollar) arzanǵa satyp alady. Sonymen qatar, baspanalar alyp jatyr degen sózder aıtylyp jatyr. Reseı úshin bundaı arzanshylyq bir jaǵynan jaqsy, saýda júrip jatyr, al basqa qyrynan alǵanda osyndaı baǵamen saýdalanýdyń keri áseri bar. Sebebi, rýbl baǵamy qubylyp tur», - dedi Memleket basshysy. Osy oraıda, Prezıdent Eýrazııalyq ekonomıkalyq odaq pen Keden Odaǵy aıasynde elimizdiń kásipkerlerin qorǵaý úshin tıisti sharalar qabyldanýy múmkin ekenin jetkizdi. «Endi Keden odaǵy jáne biryńǵaı ekonomıkalyq jaǵdaıynda biz osynda neni kirgizip, qandaı zattardy kirgizbeý kerektigin qaraıtyn bolamyz. Sebebi, bul kásipkerlerimizge keri áserin tıgizýi múmkin. Qazaqstanda ózimizdiń kásiporyndar men taýarlar bar»,-dedi N. Nazarbaev. Elbasy búginde elimiz EO-men jáne basqa da memlekettermen saýda-sattyqty júrgizip jatqandyǵyna toqtala kele, «Álemdik qarjylyq ınstıtýttary elimizge tartylyp otyr. Investıtsııalar bizge Shyǵys pen Batystan kelip jatyr. Sondyqtan, jumys istep, osynyń barlyǵyn jiti nazarda ustaımyz»,-dedi Prezıdent.