QR Prezıdenti Premer-Mınıstr qyzmetine Serik Ahmetovtiń kandıdatýrasyn usyndy
ASTANA. 24 qyrkúıek. QazAqparat - Búgin Memleket basshysy Nursultan Nazarbaev Serik Ahmetovti Qazaqstan Respýblıkasynyń Premer-Mınıstri qyzmetine usyndy.
Serik Nyǵmetuly Ahmetov 1958 jyly 25 maýsymda Qaraǵandy oblysynda týylǵan.
Bilimi joǵary. Qaraǵandy metallýrgııa zaýyty janyndaǵy zaýyt-JTOO-yn, Reseı Basqarý Akademııasynyń aspırantýrasyn bitirgen. Mamandyǵy ınjener-metallýrg, ekonomıka ǵylymdarynyń doktory.
Eńbek jolyn Qaraǵandy metallýrgııa zaýytynda bastaǵan.
1983 jyldan 1990 jylǵa deıin partııa jáne komsomol organdarynda, Qazaqstan LKJO Qaraǵandy oblystyq komsomol komıtetiniń birinshi hatshysy bolyp qyzmet atqarǵan. Kásipkerlikpen shuǵyldanǵan, Ortalyq-Qazaqstandyq «Keń dala» taýar bırjasynyń prezıdenti bolǵan.
2001 jyldan Temirtaý qalasynyń ákimi, Astana qalasy ákiminiń birinshi orynbasary, QR Prezıdenti Ákimshiliginiń Uıymdastyrý-baqylaý basqarmasynyń memlekettik ınspektsııasynyń meńgerýshisi, Qazaqstannyń kásipkerler men jumys berýshileriniń «Atameken» Odaǵy basqarmasynyń tóraǵasy. Qazaqstan Respýblıkasy Kólik jáne kommýnıkatsııa mınıstri, QR Premer-Mınıstriniń orynbasary qyzmetterin atqardy.
2009 jyldyń qarasha aıynan bastap - Qaraǵandy oblysynyń ákimi.
2012 jyldyń qańtar aıynan bastap Qazaqstan Respýblıkasy Premer-Mınıstriniń birinshi orynbasary bolyp taǵaıyndaldy.
«Qurmet», «Parasat» ordenderimen, «Eńbektegi erligi úshin» medalimen, mereıtoılyq medaldermen marapattalǵan.
Úılengen. Eki balasy (uly, qyzy), eki nemeresi bar.
