QR Prezıdenti Peterbor ekonomıkalyq forýmynyń plenarlyq sessııasynda sóz sóıleıdi

ASTANA. QazAqparat - Qazaqstan Prezıdenti Nursultan Nazarbaev Peterbor halyqaralyq ekonomıkalyq forýmynyń plenarlyq sessııasynda sóz sóıleıdi. Bul týraly Úkimet otyrysynan keıin tilshilerdiń suraqtaryna jaýap bergen QR Ulttyq ekonomıka mınıstri Qýandyq Bıshimbaev habarlady.

«Memleket basshysynyń plenarlyq sessııada sóz sóıleýi josparlanyp otyr. Elbasynyń Reseı Federatsııasy iri kompanııalarynyń basshylarymen kezdesýi josparlanǵan. Árıne, osyndaı kezdesýlerde árqashan talqylanatyn basty másele - bul Qazaqstanǵa ınvestıtsııa tartý», - dedi ol.

Q.Bıshimbaev QR Prezıdenti ınvestıtsııalardy tartý máselesine úlken mán berip, el aýmaǵynda kompanııalardyń jumys isteýi úshin Qazaqstannyń múmkindikterine erekshe kóńil bóletinin eske saldy.

Sondaı-aq PHEF aıasynda basqa sessııalardyń jumysyna QR UEM-niń ókilderi qatysady. Olardyń baıandamalary jekeshelendirý, memlekettik-jekemenshik seriktestikti damytý máselelerine arnalady.

HH Peterbor halyqaralyq ekonomıkalyq forýmy Sankt-Peterborda 16-18 maýsym aralyǵynda ótedi.