QR Prezıdenti: Partııa oryndalmaıtyn ýádeni bermeý kerek

NUR-SULTAN. QazAqparat – QR Prezıdenti Qasym-Jomart Toqaev partııalardyń saılaýaldy baǵdarlamasy men onyń oryndalýynan qatysty pikir bildirdi, dep habarlaıdy QazAqparat tilshisi.

«2021 jyldyń qorytyndysy boıynsha Úkimet partııanyń saılaýaldy baǵdarlamasy ındıkatorynyń 74 paıyzǵa oryndalǵanyn aıtty. Onyń iz júzinde oryndalǵanyna kim kepil beredi? Partııanyń ómirlik mańyzdylyǵy aldaǵy ýaqytta onyń saılaýaldy ýádesin qanshalyqty oryndaǵanymen baılanysty ekenin túsiný kerek. Meniń kózimniń jetkeni, partııa oryndalmaıtyn, múmkin emes, taý qoparatyn ýádeni bermeý kerek. Durysy az da bolsa, ýádeniń oryndalýy. Bastysy partııanyń saılaýaldy ýádesi qanshalyqty oryndaldy, soǵan mán berýimiz kerek», - dedi Qasym-Jomart Toqaev.

Onyń aıtýynsha, partııa, Úkimet jáne ákimdikter aldynda halyq aldynda berilgen ýádeniń qanshalyqty oryndalǵanyn tekserý mindeti tur.

«Úkimet aldynda naqty tapsyrma tur. Al partııa bergen ýádesin qatań ári sapaly oryndaý qajet. Ol úshin kerekti resýrstyń bári bar», - deıdi Prezıdent.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter-degi paraqshasynda jarııalanýda.