QR Prezıdenti otandyq bilim men ǵylymdy damytýda ózekti máselelerdi aıqyndady - RF-daǵy qazaqstandyq stýdentter
MÁSKEÝ. 5 qyrkúıek. QazAqparat - Shetelderde oqıtyn otandyq mamandar ózderiniń keleshegin Qazaqstanda alǵan áleýetti bilim negizderin qoldanýmen baılanystyrady.
Mundaı pikirdi Nazarbaev Ýnıversıtetinde Memleket basshysy tikeleı efırde ótkizgen ınteraktıvtik dáristen keıin «Bolashaq» baǵdarlamasy boıynsha reseılik joǵary oqý oryndarynda oqıtyn stýdentter bildirdi.
M.Lomonosov atyndaǵy MMÝ-diń ǵylymı qyzmetkeri Ibragım Muqyshevtyń pikirine qaraǵanda, QR Prezıdenti Nursultan Nazarbaev ınteraktıvti dáris barysynda otandyq bilim men ǵylymnyń damýyndaǵy ózekti máselelerge basa kóńil bóldi. Bilimdi damytý Qazaqstannyń álemdik qoǵamdastyqta jetekshi orynǵa shyǵýyna múmkindik beredi.
«Birinshi kezekte bul - joǵary dárejeli mamandardy daıyndaýǵa baǵyttalǵan bilimdegi ózekti máseleler. Qazirgi ýaqytta postındýstrııalandyrý kezeńine daıyndyq máseleleri aldyńǵa orynǵa shyǵyp otyr. Sondyqtan da «bilim-ǵylym-ınnovatsııadan» turatyn úshtiktiń damýy memlekettiń basty baǵyttarynyń biri bolyp tabylady», - dedi Memleket basshysy.
