QR Prezıdenti Ortalyq Azııa elderine shekara mańy saýda-ekonomıkalyq habyn qurýdy usyndy
«Ekonomıkalyq áleýet pen tıimdi geografııalyq ornalasý basymdyǵyn tolyqqandy paıdalaný úshin qurylymdyq jáne ınfraqurylymdyq shekteýlerdi joıý maqsatynda tyǵyz ózara is-áreketti jolǵa qoıý mańyzdy. Ortalyq Azııa elderiniń Biryńǵaı taýar jóneltý júıesiniń tirek núktesi qyzmetin atqaratyn, keleshekte odan ary keńeıtilý múmkindigi bar shekara mańy saýda-ekonomıkalyq habynyń jelisin iske qosý úshin pármendi is-sharalar qabyldaý tıimdi bolar edi», - dedi Qazaqstan Prezıdenti Ortalyq Azııa memleketteri basshylarynyń IV Konsýltatıvtik kezdesýinde.
Memleket basshysy Qazaqstan qyrǵyz jáne ózbek áriptesterimen bul baǵytta naqty qadam jasap jatqanyna nazar aýdardy.
«Atap aıtqanda, qazaq-ózbek shekarasynda «Ortalyq Azııa» halyqaralyq ónerkásiptik kooperatsııa ortalyǵy jobasy, qazaq-qyrǵyz shekarasynda Indýstrıaldy saýda-logıstıkalyq kesheni iske asyrylyp jatyr. Tájikstanmen kóterme-taratý ortalyqtaryn qurý týraly ýaǵdalastyq bar. Al Túrikmenstanmen birge astyq termınalyn salýdy josparlap otyrmyz. Bul jobalar bizdiń ózara taýar aınalymy kólemin arttyrý, sonymen qatar EAEO men ózge elderdiń naryqtaryna ónimderdi eksportqa shyǵarý ortaq múddemizge jaýap beredi», - dedi Qasym-Jomart Toqaev.
