QR Prezıdenti Ortalyq Azııa elderine onlaın-kórmelerde ónimdi birge ilgeriletýdi usyndy
«Dástúrli tásildermen qatar taýar eksportyn ulǵaıtýdyń zamanaýı joldaryn da keńinen paıdalaný qajet. Atap aıtqanda, taıaýdaǵy jappaı shekteýler men lokdaýndar elektrondy kommertsııany damytýdyń aıryqsha mańyzdylyǵyn kórsetip berdi. Ortalyq Azııa elderiniń básekelestik pozıtsııasyn eskere otyryp, Qazaqstan bastapqy kezeńde aldaǵy onlaın-kórmelerde ónimderdi birge ilgeriletýdi uıymdastyrýdy usynady», - dedi Qazaqstan Prezıdenti Ortalyq Azııa memleketteri basshylarynyń IV Konsýltatıvtik kezdesýinde.
Máselen, Memleket basshysynyń dereginshe, Alibaba alańynda ótken sońǵy kórme barysynda tek Reseıdiń ózi 50 myńnan astam taýar ataýyn usynǵan.
«Qazaqstan bıyl Alibaba platformasynda Ulttyq pavılonyn ashqan 18-shi el boldy. Pavılon 2022 jyldyń 24 maýsymynda ashyldy, platformada barlyǵy shamamen 130 kompanııadan 7 500 birlik qazaqstandyq taýar usynyldy. 2020 jyldan bergi jıyntyq satylym 167 mln dollardy qurady. Degenmen, árıne bul tolyqtaı qanaǵattanarlyq jaıt emes, rezerv bar», - dedi Qasym-Jomart Toqaev.
Foto: t.me/bort_01
