QR Prezıdenti: Olımpıadadaǵy kórsetkish sport salasynda shuǵyl reformalar júrgizý qajet ekenin kórsetti

NUR-SULTAN. QazAqparat - Memleket basshysy Qasym-Jomart Toqaev Twitter-degi paraqshasynda Tokıoda ótken Olımpıada oıyndaryna qatysty pikir bildirdi, dep habarlaıdy QazAqparat.

Tokıoda ótken Olımpıada oıyndaryna Qazaqstannan 93 sportshy qatysty. Jeńiske jetý jolynda bar kúsh-jigeri men sheberligin kórsetken atletterge alǵysymdy bildiremin. Olımpıadanyń qola júldegerlerin quttyqtaımyn!. Bul uzaq ýaqyt boıy júrgizgen tabandy jattyǵýlardyń jaqsy nátıjesi.

Alaıda, 8 qola medal alyp, jalpy komandalyq esepte 83-orynǵa taban tiregen Ulttyq quramanyń bul kórsetkishi Qazaqstannyń sporttaǵy áleýetine jáne memleket tarapynan sportty damytýǵa bólinip otyrǵan mol qarajatqa sáıkes kelmeıdi.

Ulttyq quramnyń Olımpıadadaǵy kórsetkishi sport sekildi asa mańyzdy salada shuǵyl ári tıimdi reformalar júrgizý qajet ekenin kórsetti. Buqaralyq jáne balalar sportyn damytýǵa kóńil bólip, sol arqyly álemdik arenada úlken tabystarǵa qol jetkizýge umtylý qajet.

«Tokıo Olımpıadasynan sabaq alyp, Parıjde ótetin kelesi oıyndarda halyq úmitin aqtaıtyndaı nátıjege qol jetkizý kerek»,-dep jazdy Prezıdent.