QR Prezıdenti OA elderi basshylaryn Araldy qutqarýdy jandandyrýǵa shaqyrdy
«Qazaqstan transshekaralyq ózenderdiń sý resýrstaryn ózara tıimdi paıdalaný maqsatymen birlesken gıdroenergetıkalyq jobalardy júzege asyrýǵa basa mán beredi. Osy oraıda Qyrǵyzstanda Qambarata GES-1 qurylysynyń jobasy talqylanýda. Keshe biz, úsh Prezıdent bul máseleni egjeı-tegjeıli talqyladyq jáne aldyn ala naqty ári paıdaly ýaǵdalastyqtarǵa qol jetkizdik. Gıdroelektr stantsııasy Ortalyq Azııa elderiniń energetıkalyq qaýipsizdigin nyǵaıtýǵa, aýyl sharýashylyǵy óndirisin keńeıtýge múmkindik beredi», - dedi Qazaqstan Prezıdenti Ortalyq Azııa memleketteri basshylarynyń IV Konsýltatıvtik kezdesýinde.
Sondaı-aq, Memleket basshysy Ortalyq Azııa elderi basshylaryn Araldy qutqarý halyqaralyq qory aıasynda memleketterimizdiń ózara is-qımylyn jandandyrýǵa shaqyrdy.
«Onyń uıymdyq qurylymy men sharttyq-quqyqtyq bazasyn jetildirý jónindegi aımaqtyq jumys tobyndaǵy qyrǵyz tarapynyń jumysyn oń baǵalaımyz. Atalǵan Qor aıasynda qyrǵyz tarapymen aradaǵy tolyqqandy yntymaqtastyqtyń qaıta jańǵyratynyna senim bildiremiz», - dedi Qasym-Jomart Toqaev.
Foto: wikimedia.org
