QR Prezıdenti: Negizgi maqsat – jemqorlyqty túbegeıli joıý
«Cybaılas jemqorlyqqa qarsy tıimdi is-qımyl, onymen ymyrasyz kúres qoǵamnyń ózekti máselesiniń birine aınalǵaly kóp jyldyń júzi boldy. Elimizdiń qaýipsizdigi men halqymyzdyń amandyǵy osy baǵyttaǵy júıeli ári tabandy sharalarǵa baılanysty», - dedi Memleket basshysy sybaılas jemqorlyqqa qarsy kúres máseleleri jónindegi keńeste.
Osy rette Qazaqstan Prezıdenti Úkimetke qaǵazbastylyq pen bıýrokratııaǵa salynbaı, Sybaılas jemqorlyqqa qarsy is-qımyl agenttigi bergen usynystardy bir aı merzimde jan-jaqty pysyqtaýdy tapsyrdy.
«Sonyń nátıjesi boıynsha naqty sharalar kesheni jasalýǵa tıis. Negizgi maqsat – jemqorlyqtyń tamyryna balta shabý, ony túbegeıli joıý. Bul jumysty esh sozbalańǵa salmaı, qarqyndy túrde júrgizý qajet. Prezıdent Ákimshiligi qolǵa alynǵan barlyq sharalardy qatań baqylaýǵa alyp, nátıjesin maǵan únemi habarlap otyrýy kerek», - dedi Qasym-Jomart Toqaev.