QR Prezıdenti N.Nazarbaevtyń atynan eńbek ardageri Aleksandr Korkınge І-shi dárejeli «Dostyq» ordeni tabys etildi - Elshilik
ASTANA. Qyrkúıektiń 22-si. QazAqparat - Búgin Qazaqstannyń Reseı Federatsııasyndaǵy Tótenshe jáne Ókiletti elshisi Zaýytbek Turysbekov Qazaqstan Respýblıkasynyń Prezıdenti N.Nazarbaevtyń atynan eńbek ardageri Aleksandr Gavrılovıch Korkınge І-shi dárejeli «Dostyq» ordenin saltanatty jaǵdaıda tabys etti,
dep habarlaıdy QR Reseıdegi Elshiliginiń baspasóz qyzmeti.
Qazaqstan Respýblıkasy Prezıdentiniń 2010 jylǵy shildeniń 2-sindegi Jarlyǵyna sáıkes Qazaqstan Magnıtkasynyń 50-jyldyǵyn toılaý qarsańynda Aleksandr Korkın elimizdiń áleýmettik-ekonomıkalyq damýyna qosqan zor úlesi úshin osy joǵary memlekettik nagradamen marapattaldy.
Óz kezeginde, A.Korkın Qazaqstan Respýblıkasynyń Prezıdenti Nursultan Nazarbaevqa osy joǵary nagrada jáne onyń qyzmetine berilgen joǵary baǵa úshin shyn júrekten alǵys aıtyp, Qazaqstan kóshbasshysymen jáne basqa da azamattarmen birge atqarǵan eńbek jyldaryn tebirene eske aldy.
