QR Prezıdenti N. Nazarbaev Kaspıı týrızmin damytýdy usyndy

ASTRAHANЬ. QazAqparat - QR Prezıdenti Nursultan Nazarbaev Kaspıı týrızmin damytýdy usyndy. «Kaspıı mańyndaǵy elderdiń týrıstik ınfraqurylymy Kaspıı týrızmin uıymdastyrý perspektıvalaryna jaqsy múmkindik beredi», - dedi N. Nazarbaev Kaspıı mańyndaǵy memleket basshylarynyń IV Sammıtinde.

Memleket basshysy Qazaqstanda Kendirli týrıstik aımaǵyn, Túrkimenstanda Avaza demalys ornyn damytý boıynsha jumystar júrgizilip jatqanyn atap ótti.

«Reseıde, Ázerbaıjanda jáne Iranda kýrorttyq aımaqtar bar ekenin bilemiz. Bizdiń elderimizdiń úkimeti yntymaqtastyqtyń bul baǵytyn jaqsylap zertteýi qajet», - dep qosty N. Nazarbaev.

Onyń sózine qaraǵanda, bul atalǵan elderdiń mádenıetteriniń jaqyndaı túsýine jaqsy múmkindikter týdyrady.

«Bizdiń qarym-qatynastarymyzdaǵy mádenı-gýmanıtarlyq yntymaqtastyqtyń orny erekshe. «Teńiz elderdi bóledi, alaıda halyqty biriktiredi» degen dana sóz bar. Búgin Astrahanda Kaspıılik jastar sammıti ótýde. Bul jastar arasyndaǵy baılanysty nyǵaıtýǵa baǵyttalǵan. Bul ıdeıany qoldaýymyz qajet», - dedi N. Nazarbaev.