QR Prezıdenti: Myrzakentte salynyp jatqan úılerdiń sapasyna erekshe nazar aýdarǵan jón

NUR-SULTAN. QazAqparat – Qazaqstan Prezıdenti Qasym-Jomart Toqaev Myrzakentte salynyp jatqan turǵyn úılerdiń sapasyna erekshe nazar aýdarý qajettigin eskertti. Bul týraly Memleket basshysy óziniń Twitter-degi paraqshasynda jazdy, dep habarlaıdy QazAqparat.

«Túrkistan oblysyna sapar aıasynda Sardoba sý qoımasyndaǵy bógettiń jarylýy saldarynan úısiz qalǵan Myrzakent aýylynyń turǵyndary úshin turǵyzylǵan jańa yqsham aýdandy qarap shyqtym. Qurylys jumystarynyń sapasyna erekshe nazar aýdarǵan jón»,-dep jazdy Qasym-Jomart Toqaev.

Aıta keteıik, Memleket basshysy búgin jumys saparymen Túrkistan oblysyna bardy.

Prezıdent saparyn Sardoba sý qoımasyndaǵy apattan zardap shekken turǵyndar úshin Myrzakent aýylynda salynyp jatqan jańa yqshamaýdannyń qurylysymen tanysýdan bastady.

Sondaı-aq Memleket basshysy Arys qalasyndaǵy áskerı polıgonǵa bardy.

Keıinirek Arys qalasyn qalpyna keltirý jumystarymen tanysty.

QR Prezıdentiniń baspasóz hatshysy Berik Ýálıdiń jazýynsha , Qasym-Jomart Toqaev osy sapary aıasynda Túrkistan qalasyna baryp, Qoja Ahmet ıAsaýı kesenesindegi jóndeý jumystaryn kóredi, «Sapar ortalyǵynyń» qyzmetimen tanysyp, jańadan salynǵan «Jibek joly» saıabaǵyn aralaıdy.

Foto: akorda.kz