QR Prezıdenti muraǵatynda júzge jetpeıtin qupııa qujat qaldy - Muraǵat dırektory

ASTANA. QazAqparat - QR Prezıdenti muraǵatynda júzge jetpeıtin qupııa qujat qaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Muraǵatynyń dırektory Borıs Japarov aıtty.

"Bizdiń qazirgi ómir súrip otyrǵan zamanymyzdyń basty ereksheligi - qoǵamymyzdyń ashyqtyǵynda. Sondyqtan qazir muraǵattar da ashyq bolyp otyr. Osy turǵydan alǵanda, sońǵy jyldary elimizdiń tarıhyna qatysty 1937-1991 jyldardy qamtıtyn 13 myńnan astam qujat ashyldy. Sonymen qatar oǵan deıingi kezeń, ıaǵnı 1918-1936 jyldarǵa qatysty 26 myń is-qujat ta tolyǵymen qupııalylyǵyn joıdy", - dep atap ótti B.Japarov.

Onyń aıtýynsha, qazirgi ýaqytta qupııa bolyp qalǵan qujattar 100-ge jetpeıdi. Olardyń kópshilikke jarııa bolýy memlekettik qaýipsizdikke nuqsan keltiretin kórinedi.