QR Prezıdenti Muraǵaty 160 myń muraǵattyq isti sandyq formatqa aýystyrady
ALMATY. QazAqparat - Búgin QR Prezıdenti Muraǵaty janyndaǵy Qoǵamdyq keńestiń kezekti otyrysy ótti.
Onda 2016 jylǵa arnalǵan jumys josparyna sáıkes, saqtalymda jatqan erekshe qundy qujattardy anyqtaý jáne olardy is-tájirıbede paıdalaný máselesi talqylandy.
Óz sózinde Qoǵamdyq keńestiń múshesi Sáýle Boranbaeva QR Prezıdenti Muraǵatynda erekshe qundy qujattarǵa qatysty atqarylyp jatqan jumystar barysyn zerdeleý qorytyndysyn jarııalady.
«Keıbir muraǵattarda erekshe qundy qujattardy anyqtaý, belgileý jumystary muraǵattyq isterdiń taqyryby boıynsha ǵana júrgiziledi. Al munda mamandar árbir qujatty muqııat zertteıdi. Qujattyń mátini, mazmuny jáne avtorynan bastap, rásimdelý úlgisine, tipti buryshtamasyna deıin jiti nazar aýdarady», - dedi ol.
Otyrysqa qatysqan QR Prezıdenti Muraǵatynyń dırektory Borıs Japarov óz kezeginde Muraǵatta qujattardy sandyq formatqa ótkizý jumystary júrgizilip jatqandyǵyn jetkizdi
Bul jumystar birinshi kezekte erekshe qundy qujattardy sandyq formatqa aýdarýdan bastalǵan. Jospar boıynsha 160 myń qujatty sandyq formatqa aýdarý kózdelgen. Qazirgi tańda olardyń ishinde 3500 qujattyń elektrondy nusqasy jasaldy.
