QR Prezıdenti men Ábý-Dabıdiń taq murageri oqýshylarǵa syılyq tabystady
ÁBÝ-DABI. QazAqparat - Ábý-Dabıdegi Dúnıejúzilik «Bolashaqtyń energııasy» sammıtinde (World Future Energy Summit «Zyed Future Energy Prize» halyqaralyq syılyǵyn saltanatty túrde tabystaý rásimi ótti, dep habarlaıdy QazAqparat.
Syılyq 2008 jyly taǵaıyndaldy jáne Dúnıejúzilik «Bolashaqtyń energııasy» sammıtinde, Ábý-Dabıdiń turaqty damý aptasy aıasynda tabystalady. Onda «Іri kompanııa»; «Shaǵyn jáne orta kásiporyndar»; «Kommertsııalyq emes uıymdar»; «Jahandyq oqý orny» atalymdary qamtylǵan.
Atap aıtqanda, «Jahandyq oqý orny» atalymynda 500 myń AQSh dollary somasyndaǵy marapatty uıymdastyrýshylar 5 óńir arasynda (Soltústik jáne Ońtústik Amerıka, Eýropa, Azııa, Afrıka) bóledi. Osy rette jeńimpaz dep tanylǵan bir orta mektep 100 myń dollarǵa yntalandyrylady.
Shara barysynda Nursultan Nazarbaev pen ámirliktiń taq murageri sheıh Muhammed ben Zaıd Ál Nahaııan syılyqtardy Avstralııa Huanville Highschool) men Indonezııa (Green Bali School) mektep oqýshylaryna tapsyrdy. Laýreattar qorshaǵan ortany qorǵaý men jańaratyn energııany damytýǵa qosqan úlesteri úshin marapatqa ıe boldy.
«Zayed Future Energy Prize» syılyǵynyń tujyrymdamasy eldiń negizin salýshy sheıh Zaıd Ben Sultan Ál Nahaııannyń qorshaǵan ortany qorǵaý týraly bazalyq túsinikterine negizdelgen.
