QR Prezıdenti: Memlekettik organ basshylary halyqpen sóılese almaıdy, tipti keıde qorqatyn sekildi

NUR-SULTAN. QazAqparat – Memleket basshysy sheneýnikterdiń halyqpen dıalog qura almaıtyndyǵyn synǵa alyp, Úkimet músheleri men ákimder turǵyndarmen únemi baılanysta bolýy kerektigin eske saldy, dep habarlaıdy QazAqparat tilshisi.

«Sheneýnikterdiń azamattarmen dıalogy tıimdiliginiń tómen ekendigin aıtyp ótken jón. Memlekettik organ basshylary halyqpen sóılese almaıdy, tipti keıde qorqatyn sekildi. Úkimet músheleri óńirlerge jıi shyǵýy tıis. Al óńir ákimderi halyqpen kezdesý ótkizip, turaqty baılanysta bolýy kerek», -dedi Qasym-Jomart Toqaev.

Sondaı-aq, Prezıdent elimizde áli de bıýrokratııanyń baryn aıtty.

Buǵan deıin Qasym-Jomart Toqaev qyzmetin bermeı, jyldar boıy otyratyn sheneýnikterdi synǵa alǵan edi.