QR Prezıdenti: Logıstıkany damytý kórshi elderdi Qazaqstanmen tatý bolýǵa múddeleıdi
«Indýstrııalandyrý baǵdarlamasynyń jarty jyldyǵyn qaraý barysynda Astananyń úlken-úlken nysandaryn kórip shyqtyq. Qazaqstannyń jeri keń, Azııanyń dál ortasynda turǵannan keıin júk Qazaqstan arqyly ótetin bolsa, logıstıka men kólikti damyta otyryp, bizdiń elimiz odan kóp tabys tabady. Bul - bir. Ekinshiden, kórshilermen tatý bolamyz. Sebebi, olar júgin biz arqyly júrgizgennen keıin, kórshimen tatý ómir súrýge múddeli bolady»,-dedi Memleket basshysy.
Prezıdent ózi aralap kórgen ındýstrııalandyrý aımaǵyndaǵy logıstıka ortalyǵynyń jumysyna toqtaldy.
«Búgin kórgen nysanymyzdyń biri - logıstıka ortalyǵy. Ortalyqta kedendik rásimder az ýaqyt ishinde rásimdeledi. Júkti burynǵydaı úsh kún ótkizýdiń ornyna adam bir saǵattyń ishinde júginiń barlyq qujatyn alyp, satatyn jerine jiberedi», - dedi Elbasy.
