QR Prezıdenti Kýbogynyń toptyq satysynyń sońǵy oıynynda astanalyq «Barys» Mınskiniń «Dınamosynan» jeńilip qaldy
ASTANA. Tamyzdyń 14-i. QazAqparat - Astanada shaıbaly hokkeıden QR Prezıdenti Kýbogynyń toptyq satysynyń sońǵy 2 oıyny ótkizildi.
Demalys kúni aldynda «Qazaqstan» sport saraıynyń muz aıdynyna mytışılik «Atlant» pen rıgalyq «Dınamo» shyqty. Negizgi ýaqyt 2:2 esebimen aıaqtaldy. Rıgalyq shabýylshy Aleksandr Nıjıvııdiń sátti býllıti dınamolyqtarǵa jeńis ákeldi. Matchtyń qorytyndy esebi: 3:2.
Ekinshi oıynda astanalyq «Barys» Mınskiniń «Dınamosynan» 1:3 esebimen jeńilip qaldy.
Búgin «Qazaqstan» sport saraıynda fınaldyq matchtarda taǵy da osy komandalar kezdesedi: 13.00-de 3-4 oryndar úshin matchta - «Dınamo» (Rıga) men «Atlant» (Máskeý oblysy), al 17.00-de 1-2 oryndar úshin «Barys» (Astana) - «Dınamo» (Mınsk) komandalary básekege túsedi.
