QR Prezıdenti Kýbogynda «Barys» komandasy «Admıralǵa» ese jiberdi
ASTANA. QazAqparat - Astanalyq «Barys» komandasy QR Prezıdenti Kýbogynyń sheshýshi matchynda Vladıvostoktan kelgen «Admıraldan» 0:3 esebimen jeńilip qaldy, dep habarlaıdy QazAqparat Sports.kz saıtyna silteme jasap.
Alǵashqy kezeńde Nıkolaı Glýhov esep ashsa, meımandardyń jeńisin ekinshi bolyp Maksım Kıtsyn bekite tústi. Oıynnyń sońynda Glýhov astanalyq komandanyń qaqpasyna taǵy bir shaıba salyp, dýbl oryndady. Osylaısha, qorytyndy esep boıynsha 8 upaı alǵan «Barys» úshinshi oryndy qanaǵat tutty.
Al birinshi jáne ekinshi oryndy «Neftehımık» pen «Admıral» komandalary ıelendi.
