«QR Prezıdenti kýbogy" XVII halyqaralyq týrnırinde qazaqstandyq voleıbolshylardyń byltyrǵy jylǵy óz jetistigin qaıtalaýǵa múmkindigi bar - QR Voleıbol federatsııasynyń bas hatshysy
; ALMATY. Shildeniń 6-sy. QazAqparat /Erlik Erjanuly/ - Almatyda voleıboldan erler men áıelder komandalary arasynda ótip jatqan "QR Prezıdenti kýbogy" XVII halyqaralyq týrnıri Álem chempıonaty aldyndaǵy mańyzdy kezdesýlerdiń biri sanalady.
Ony QR Voleıbol federatsııasynyń Bas hatshysy Ermek Syrlybaev búgin QazAqparat tilshisne bergen suhbatynda aıtty.
"Dástúrli bul týrnırge bıyl áıelder arasynda - 4, erler arasynda - 5 komanda qatysýda. Aljır quramasy bizge qatysa almaıtynyn sońǵy kúni ǵana aıtty. Erler arasynda basty qarsylasty ataý maǵan bul joly qıyndaý bop tur. Onda 2-3 oryn alsaq ta qýanamyz. Al áıelder arasynda aqtyq synda Qazaqstan-1 men Qytaıdyń "Djıangsý" voleıbol klýby kezdesýi múmkin. Bizdiń "Jetisý" voleıbol klýby bıyl olarmen 2 ret kezdesti. "Taıland hanshaıymy kýbogy" halyqaralyq týrnıri men Indonezııada ótken klýbtyq Azııa chempıonaty kezinde 3:1 esebimen qazaqstandyqtar basym tústi", deıdi Bas hatshy Syrlybaev. Ermek Ámirbekulynyń aıtýynsha, bul týrnırge qatysyp jatqandardan erler arasynda Iran men Týnıs, áıelder arasynda Ýkraına, Qazaqstan jáne Qytaı aldaǵy Álem chempıonatyna qatysady. Áıelder quramasy úshin bul bıylǵy jyly olar qatysyp jatqan úshinshi týrnır. Budan keıin olar Reseı men Ýkraına oıyndar ótkizip, qyrkúıekte - Azııa, al qazanda Álem chempıonatynda el namysyn qorǵaıtyn bolady.
