QR Prezıdenti Kýbogy: «Barys» «Neftehımıkten» utyldy
ASTANA. QazAqparat - Astanalyq «Barys» hokkeı klýby QR Prezıdenti Kýbogynyń ekinshi matchynda óz alańynda Nıjnekamskiniń «Neftehımıgine» 1:2 esebimen utyldy, dep habarlaıdy QazAqparat Sports.kz saıtyna silteme jasap.
Birinshi kezeń reseılikterdiń basymdyǵymen ótti, biraq soǵylǵan shaıbalar bolmady. Ekinshi kezeńde esepti «Neftehımıktiń» oıynshysy Andreı Nestrashıl ashty, keıin qarsylastardyń upaı sanyn Pavel Porıadın eseleı tústi. Sońǵy jıyrma mınýtta astanalyqtar bir shaıba sala aldy. Matchtyń úshinshi bóligi tablodaǵy esepke ózgeris engizbedi.
Endi «Barys» sársenbi kúni saǵat 19:30-da Omskiniń «Avangardymen» kezdesetin bolady.
