QR Prezıdenti kórnekti memleket jáne qoǵam qaıratkeri Sh. Berkimbaevaǵa alǵyshat joldady
ALMATY. 10 qazan. QazAqparat - QR Bilim jáne ǵylym mınıstri Baqytjan Jumaǵulov Shámshá Berkimbaevanyń 70 jyldyǵyna arnalǵan «Qazaqstan qoǵamyn áleýmettik jańǵyrtý jaǵdaıyndaǵy bilim men pedagogıkalyq ǵylym» atty halyqaralyq ǵylymı-praktıkalyq konferentsııasyna qatysty.
Mınıstr quttyqtaý sóz sóılep, saltanatty túrde pedagogıka ǵylymdarynyń kandıdaty, professor, kórnekti memleket jáne qoǵam qaıratkeri Sh. Berkimbaevaǵa Qazaqstan Respýblıkasynyń Prezıdenti Nursultan Nazarbaevtyń alǵyshatyn tabys etti.
Aıta keteıik, Berkimbaeva Shámshá Kópbaıqyzy 2002-2003 jyldar aralyǵynda QR Bilim jáne ǵylym mınıstri boldy, 2003 jyldan bastap 2011 jylǵa deıin Qazaq memlekettik qyzdar pedagogıkalyq ýnıversıtetiniń rektory qyzmetin atqardy.
Saltanatty shara Qazaq memlekettik qyzdar pedagogıkalyq ýnıversıtetinde ótti.
