QR Prezıdenti kollektorlardyń óz qyzmetin asyra paıdalanýyna qatysty aıtty
Kezdesý barysynda Memleket basshysy boryshkerlerge qatysty qarjy naryǵyndaǵy ókilderdiń shekten shyǵý áreketterine toqtaldy.
«Nesıe mekemeleriniń basshylaryna ishki rásimderdi kúsheıtý máselesin pysyqtaýdy, sondaı-aq jekelegen qyzmetkerler men syrttan tartylatyn kollektorlardyń qyzmetterin asyra paıdalanýǵa jol bermeý tetikterin qarastyrýdy tapsyramyn», – dedi Qasym-Jomart Toqaev.
Sondaı-aq Prezıdent shaǵyn jáne orta bıznesti nesıeleý, onyń ishinde aýyldardaǵy kásipkerlik bastamalardy damytý elimizdiń qarjy sektorynyń basty basymdyǵy bolýy kerek dep esepteıdi. Memleket basshysynyń aıtýynsha, turaqty jáne arzan qor jasaý kózderiniń joqtyǵy mıkroqarjylandyrý naryǵyndaǵy negizgi máseleniń biri.
«Mundaı uıymdardyń qyzmeti ekinshi deńgeıli bankterden alynatyn qaryz ben jeke qarajat esebinen qarjylandyrylady. Nátıjesinde tutynýshylar úshin nesıelerdiń quny joǵary bolady. Sondyqtan Úkimetke Agenttikpen birlesip, mıkroqarjy uıymdarynyń qoljetimdi ári uzaq merzimdi qarjylandyrý tetikterin pysyqtaýdy tapsyramyn», – dedi Qasym-Jomart Toqaev.
