QR Prezıdenti qoǵamdyq baqylaý týraly zań qabyldaýdy tapsyrdy
«Sybaılas jemqorlyqpen kúres barynsha júıeli sıpat alýy kerek. Jemqorlyqtyń paıda bolý sebepterine kóbirek nazar aýdaryp, aldyn alý úshin jumys júrgizilýde. Endi jemqorlyqqa aparatyn faktorlardy anyqtaý úshin memlekettik organdar men kvazımemlekettik sektordyń normatıvtik aktileri men jumys úderisine jemqorlyqqa qarsy kúres turǵysynan arnaıy taldaý ótkizgen jón», - dedi Memleket basshysy.
Sonymen qatar QR Prezıdenti sybaılas jemqorlyqpen kúres jaýapqa tartylýdan qoryqqan sheneýnikterdi derbestik bastamashalyq jáne jedel áreket etý qasıetterinen aıyrmaýǵa tıis ekendigin basa aıtty.
«Biz memlekettik baqylaýǵa balama qoǵamdyq baqylaý ınstıtýtyn qoldaı otyryp, tıisti quqyqtyq negiz qalyptastyrýymyz kerek. Memlekettik organdardyń, kvazımemlekettik sektordyń qoǵam aldyndaǵy ashyqtyǵyn jáne eseptiligin qamtamasyz etýge jol ashatyn qoǵamdyq baqylaý týraly zańdy ázirlep, qabyldaýdy tapsyramyn», - dedi Qasym-Jomart Toqaev.
