QR Prezıdenti: Keıinge urpaqqa kemel Qazaqstandy tabystaý - barshamyzǵa ortaq paryz
ASTANA. QazAqparat - Keıinge urpaqqa kemel Qazaqstandy tabystaý - barshamyzǵa ortaq paryz. Búgin Astanadaǵy Táýelsizdik saraıynda qaıta saılanǵan Qazaqstan Prezıdenti Nursultan Nazarbaev Qazaqstan halqyna ant berip, qyzmetine resmı kirisken soń sóılegen sózinde osylaı aıtty.
«Ulanǵaıyr jeri bar, uly muraty bar, babalary jazǵan uly tarıhy men urpaǵy kóz tikken uly bolashaǵy bar halyqtyń myńjyldyq tarıhynda eń biregeı, birtutas kezeńinde elimniń senimin arqalaǵanym men úshin eń bıik mártebe, baqyt. Keıinge urpaqqa kemel Qazaqstandy tabystaý - barshamyzǵa ortaq paryz», - dedi N.Nazarbaev.
Budan bólek, Elbasy jańa ǵasyrdyń syn-qaterlerine tótep berip, damyǵan elderdiń qataryna qosylýdyń da ortaq jaýapkershilik ekenin atap ótti.
«Biz urpaqqa kórkeıgen eldi, nyǵaıǵan birlikti, myzǵymys turaqtylyq pen eselengen baılyqty mıras etemiz. Búgin Qazaqstan tarıhynyń jańa beti ashyldy. Biz damýdyń dańǵylyna tyń qadammen aıaq basamyz. Bes halyqtyq reformany tabysty júzege asyryp, bolashaǵy birtutas elge aınalamyz», - dedi Memleket basshysy.
