QR Prezıdenti KAZENERGY qaýymdastyǵyn mereıtoıymen quttyqtady
ASTANA. QazAqparat - QR Prezıdenti Nursultan Nazarbaev KAZENERGY qaýymdastyǵyn 10 jyldyq mereıtoıymen quttyqtady. Elbasynyń quttyqtaý sózin «KAZENERGY-2015» onynshy Eýrazııalyq forýmy barysynda QR Energetıka mınıstri Vladımır Shkolnık oqyp berdi.
Prezıdent munaı-gaz jáne energetıkalyq salasy ulttyq ekonomıkanyń negizgi segmentteriniń biri eken aıta kele, «10 jyldyń ishinde «KAZENERGY» qaýymdastyǵy saladaǵy kóshbasshy birlestik retinde óziniń rólin nyǵaıta aldy»,-dedi.
Elbasynyń paıymynsha, qaýymdastyq memleket pen bıznes arasyndaǵy baılanystyrýshy býyn bola otyryp, jańa tehnologııalardy engizý úshin ınvestıtsııalardy tartýda kómek kórsetýde. Sonymen qatar qaýymdastyqpen birge KAZENERGY Eýrazııalyq forýmy da qarqyndy damyp keledi.
Osy oraıda Memleket basshysy qazirgi kezde qaýymdastyq aldynda erekshe maqsat-mindetter turǵandyǵyn atap ótti. Prezıdent Qazaqstannyń energetıkalyq resýrstaryn keńinen ıgerý ınnovatsııalardy, energııa únemdeýdiń jańa standarttaryn engizýmen birge ilesýi kerektegin, sondaı-aq ekonomıkanyń qaıta óńdeý salasyna mýltıplıkatıvti yqpalyn qamtamasyz etýin qamtýy tıis ekenin jetkizdi.
«KAZENERGY» qaýymdastyǵyna kiretin barsha kompanııalardyń mıssııasy, bizdiń jalpy kúsh-jigerimiz aldyńǵy qatarly standarttarǵa yqpal etetin joǵary tıimdilikti ındýstrııany qurýdy qamtamasyz etetinine senimdimin. Shyn júrekten sizderdi mereıtoımen quttyqtaımyn! Qarqyndy damý jolynda tabystarǵa jetýlerińizdi tileımin», - dep túıdi N. Nazarbaev.
