QR Prezıdenti Qazaqstannyń bitimgerlik jolyndaǵy armanyn aıtty

ASTANA. QazAqparat - Elbasy Nursultan Nazarbaev Islam yntymaqtastyǵy uıymyna múshe elderdiń basshylaryn elordada ótetin Álemdik jáne distúrli dinder lıderleriniń sezine shaqyrdy, dep habarlaıdy QazAqparat.

«14 jyl elimizde Álemdik jáne distúrli dinder lıderleriniń sezi ótkizilip keledi. Onda ıslam, hrıstıan, ındýızm, býddızm jáne basqa da konfessııa ókilderi bas qosady. Sizderdi 2018 jyly ótetin altynshy Sezge shaqyramyn», - dedi Prezıdent Astana ótip jatqan Islam yntymaqtastyq uıymynyń ǵylym jáne tehnologııalar jónindegi sammıtinde.

Memleket basshysy ǵylym men tehnologııalardy damytý tek beıbitshilik pen turaqtylyq saqtalǵan jaǵdaıda ǵana múmkin bolatynyn qadap aıtty.

«Qazaqstan qazir Birikken Ulttar Uıymy Qaýipsizdik keńesiniń turaqty emes múshesi retinde osy máselege erekshe mán berip otyr. Elimizdiń halyqaralyq ótkir problemalar men daý-janjaldardy retteýdegi bitimgerlik róli barshańyzǵa málim. Biz kezindegi Semeı ıadrolyq polıgonyn jaýyp, asa iri ıadrolyq arsenaldan óz erkimizben bas tartqan elmiz. Bolashaqta búkil dúnıejúzi ıadrolyq qarýdan birjola arylsa degen armanymyz bar. Túbinde Islam álemin ıadrolyq qarýdan azat aımaqqa aınaldyrý - ortaq múddemizge saı keledi», - dep toqtaldy Nursultan Nazarbaev.