QR Prezıdenti Qazaqstanǵa qoldaý bildirgen elder men uıymdarǵa alǵysyn aıtty

NUR-SULTAN. QazAqparat – Memleket basshysy Qasym-Jomart Toqaev Qazaqstan halqyna úndeýinde UQShU-ǵa qatysýshy elderdiń basshylaryna alǵys aıtty, dep habarlaıdy QazAqparat tilshisi.

«UQShU-ǵa tóraǵalyq etip otyrǵan Armenııanyń Premer-Mınıstrine, sondaı-aq Belarýs, Qyrǵyzstan, Tájikstan prezıdentterine shynaıy alǵys aıtamyn. Reseı Prezıdenti Vladımır Pýtınge erekshe rızashylyq bildiremin. Ol meniń úndeýime jedel, eń bastysy, joldastyq nıetpen ún qatty», - dedi Meleket basshysy.

Sonymen qatar Qazaqstan Prezıdent QHR Tóraǵasyna, Ózbekstan, Túrkııa prezıdentterine, BUU-nyń jáne basqa da halyqaralyq uıymdardyń basshylaryna qoldaý kórsetkeni úshin alǵysyn jetkizdi.

Eske sala keteıik, UQShU Ujymdyq bitimgershilik kúshteriniń basty mindeti - mańyzdy memlekettik nysandardy qorǵaý, QR quqyq qorǵaý organdaryna jaǵdaıdy turaqtandyryp, zańnyń ústemdik etýin qamtamasyz etýge kómektesý.

Budan buryn habarlanǵandaı, UQShU ujymdyq bitimgershilik kúshteriniń 2 500 áskeri Almatyǵa keldi.