QR Prezıdenti Qazaqstandaǵy AEA jumysyna qatysty zańǵa qol qoıdy
NUR-SULTAN. QazAqparat - Memleket basshysy Qazaqstan Respýblıkasynyń aýmaǵynda arnaıy ekonomıkalyq jáne ındýstrııalyq aımaqtardy qurý, olardyń jumys isteýi jáne taratylýynyń quqyqtyq negizderin aıqyndaıtyn jańadan qabyldanǵan zańǵa qol qoıdy, dep habarlaıdy QazAqparat Aqordaǵa silteme jasap.
QR Prezıdenti Qasym-Jomart Toqaev «Arnaıy ekonomıkalyq jáne ındýstrııalyq aımaqtar týraly» Qazaqstan Respýblıkasynyń Zańyna qol qoıdy.
Sondaı-aq, Memleket basshysy qoldanystaǵy zańnamany jańadan qabyldanǵan «Arnaıy ekonomıkalyq jáne ındýstrııalyq aımaqtar týraly» Qazaqstan Respýblıkasynyń Zańyna sáıkestendirýge, sondaı-aq ataýly áleýmettik kómek kórsetý tetikterin jetildirýge baǵyttalǵan «Qazaqstan Respýblıkasynyń keıbir zańnamalyq aktilerine arnaıy ekonomıkalyq jáne ındýstrııalyq aımaqtar, ınvestıtsııalar tartý, eksportty damytý jáne ilgeriletý, sondaı-aq áleýmettik qamtamasyz etý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zańdardyń mátini baspasózde jarııalanady.
