QR Prezıdenti: Qazaqstan men Reseıdiń geografııalyq jaqyndyǵyn tıimdi paıdalaný kerek
«Bizdiń elder arasynda apta saıyn 38 baǵyt boıynsha 210 áýe reısi oryndalady. Sońǵy jyldary olardyń sany 27 baǵytqa artty. Al bilim berý salasynda 66 qazaqstandyq joǵary oqý orny reseılik 93 JOO-men tyǵyz qatynastardy ornatty. Yntymaqtastyq týraly oqý oryndary arasynda 500-den astam kelisim bekitildi. Eki eldiń medıtsınalyq joǵary oqý oryndary arasynda 70-ke tarta birlesken memorandýmǵa qol qoıyldy. Osynyń barlyǵy bizdiń turaqty ári ózara tıimdi tatý kórshilik yntymaqtastyqtyń dáleli», - dedi Elbasy.
Sonymen qatar Memleket basshysy búgingi forýmnyń týrızm salasyna arnalýy óte mańyzdy bolyp otyrǵandyǵyn atap ótti.
«Qazirgi zamanǵy jaǵdaıda týrızm jahandyq ekonomıka ósiminiń negizgi draıveri. Búginde týrızm álemdik ekonomıkanyń 10 paıyzyn qamtydy, árbir onynshy jumys ornyn qurýda. Osy sala tikeleı ınvestıtsııanyń júzdegen mıllıard dollaryn tartýda», - dedi QR Prezıdenti.
Bul turǵyda N. Nazarbaev jahandyq ekonomıkalyq daǵdarys kezeńinde de týrızm damý tetigi bolyp saqtalǵanyn atap ótti.
«Ekijaqty týrızmdi damytý úshin júıelik sharalar qabyldaý kerek. Sonymen birge, eki eldiń arasyndaǵy geografııalyq jaqyndyǵyn tıimdi paıdalanǵan durys. Biz týrızmdi damytýdyń bes jyldyq baǵdarlamasyn ázirleýdi aıaqtaýǵa jaqyndadyq. Qazaqstanǵa týrıster aǵynyn 13 mıllıonǵa deıin arttyrýdy kózdep otyrmyz. Bul rette 60 myńnan astam jumys orny qurylmaq», - dedi Elbasy.
