QR Prezıdenti Kavkaz musylmandary basqarmasynyń tóraǵasymen konfessııaaralyq dıalog máselesin talqylady
NUR-SULTAN. QazAqparat - Memleket basshysy Qasym-Jomart Toqaev Kavkaz musylmandary basqarmasynyń tóraǵasy Sheıh-ýl Islam Allashúkir Pasha-Zadeni qabyldady. QazAqparat bul týraly Aqordaǵa silteme jasap habarlaıdy.
Kezdesýde konfessııaaralyq dıalog halyqaralyq qaýymdastyqty biriktirý joldaryn birlesip izdeýdiń mańyzdy quraly ekeni aıtyldy.
Qasym-Jomart Toqaev Álemdik rýhanı kóshbasshylar seziniń qorytyndysy jahandyq syn-qaterlerge birlese qarsy turýǵa yqpal etip, ultaralyq kelisimdi, beıbitshilik pen turaqtylyqty nyǵaıtýǵa eleýli úles qosatynyna senim bildirdi.
Sondaı-aq Memleket basshysy baýyrlas Qazaqstan men Ázerbaıjan halyqtary arasyndaǵy dostyq pen yntymaqtastyq baılanystaryn nyǵaıtýdyń mańyzdy ekenin atap ótti.
Kavkaz musylmandary basqarmasynyń tóraǵasy Qasym-Jomart Toqaevtyń jýyrda Bakýge saparynyń qorytyndysyna oń baǵa berdi. Budan bólek, Qazaqstannyń dinder men órtkenıetter dıalogyn damytýǵa aıtarlyqtaı úles qosqanyn atap ótti.
Foto: akorda.kz
