QR Prezıdenti karantındegi qalalarda kommýnaldyq tólemdi tómendetý sheshimin jedeldetýdi tapsyrdy
NUR-SULTAN. QazAqparat - Kommýnaldyq tólemderdi tómendetý boıynsha keshendi sheshim qabyldaýdy jedeldetý kerek. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Karantındegi qalalardyń turǵyndary úshin kommýnaldyq tólemderdi tómendetý boıynsha keshendi sheshim qabyldaýdy tapsyrdym. Meniń bilýimshe, mundaı sheshim áli tabylǵan joq. Halyqtyń áleýmettik qorǵalmaǵan toptaryna basymdyq bere otyryp, tıisinshe sheshim qabyldaýdy jedeldetý qajet», - dedi Prezıdent.
Aıta keteıik, Memleket basshysy eldegi tótenshe jaǵdaı rejımin sáýir aıynyń sońyna deıin sozý qajet ekendigin jáne úsh megapolıs pen óńirlerdegi karantındi jalǵastyrýdy tapsyrdy.
