QR Prezıdenti Іs Basqarmasyna qarasty vedomstvolar arasynda ústel tennısinen týrnır ótip jatyr
ASTANA. QazAqparat - Búgin elordada QR Prezıdenti Іs Basqarmasynyń jáne vedomstvolary men vedomstvolyq qarasty uıymdarynyń qyzmetkerleri arasynda ústel tennısinen týrnır bastaldy, dep habarlaıdy QazAqparat tilshisi.
Jyl saıynǵy dástúrli spartakıadanyń osy kezeńinde árqaısysy 3 adamnan turatyn 12 komanda ózara tartysqa túsedi. Jeńimpaz jáne júldeger komandalardan bólek, «Erler arasyndaǵy úzdik oıynshy», «Qyzdar arasyndaǵy úzdik oıynshy» jáne «Sheber oıynshy» atalymdary boıynsha úzdik shyqqandar marapattalady. Jalpy, búgingi saıysqa 60-qa jýyq adam qatysyp otyr.
QR Prezıdentiniń Іs Basqarmasy apparatynyń basshysy Murat Dáribaev osyndaı jarystardy ótkizý dástúrge aınalǵanyn aıtty. Bıyl alty sport túrinen týrnırler uıymdastyrylǵan.
«Búgin ústel tennısinen týrnır ótip jatyr. Atap aıtqanda, bul óte jaqsy dástúr, óıtkeni mundaı saıystar barshamyzdy biriktiredi. Týrnırdi laıyqty deńgeıde ótkizip, naǵyz myqtylar jeńimpaz atansyn dep tileımin», - dedi M. Dáribaev.
Olımpıada chempıony Serik Sápıev pen Gınness rekordtar kitabyna kirgen, alyp kúsh ıesi Sergeı Tsyrýlnıkov jarystyń qadirli qonaǵy retinde shaqyryldy.
Serik Sápıev elimizdiń aýmaǵynda sportty nasıhattaıtyn is-sharalardy uıymdastyrý óte mańyzdy ekenin atap ótti.
«Memleket basshysy buqaralyq sporttyń, ujym ishindegi, qarapaıym jumysshylar arasyndaǵy sporttyń damýyna aıryqsha kóńil bólip otyr. Osy oraıda sportshylar atynan mundaı týrnırdi uıymdastyrǵany úshin QR Prezıdenti Іs Basqarmasyna alǵys aıtamyz. Prezıdent tennısti jaqsy meńgergenin bilesizder. Sońǵy jyldary elimizde ústel tennısiniń damýyna tyń serpin berildi. Qazirgi kezde balalar arasynda jaqsy nátıjelerdi kórip jatyrmyz. Jergilikti atqarýshy organdar men federatsııanyń qoldaýy arqasynda balalar ústel tennısine kóptep tartylyp jatyr», - dedi Ulttyq Olımpıada komıteti bas hatshysynyń orynbasary S. Sápıev.
Óz kezeginde Sergeı Tsyrýlnıkov osyndaı týrnırler elimizde sportty damytýǵa erekshe yqpal etetinin aıtty.
«Jańa Qazaqstandy barlyǵymyz jumyla quryp jatyrmyz. Sondyqtan elimizde densaýlyǵy myqty, sportqa ýaqyt bóletin adamdar kóp bolýy kerek. Osyndaı is-sharalar salaýatty ómir saltyn nasıhattaýǵa yntalandyrady. ıAǵnı balalardy, jalpy eldi meken turǵyndaryn sportqa tartýǵa áser etedi. Mundaı saıystarda adamdar buqaralyq sportty damytýǵa óz úlesin qosa alady. Meni osyndaı jarystarǵa jıi shaqyrady. Bul turǵyda elimizde mundaı saıystar jyl saıyn artyp kele jatqanyn baıqap otyrmyn», - dedi Sergeı Tsyrýlnıkov.
Sonymen qatar S. Sápıev pen S. Tsyrýlnıkov ústel tennısi saıysyna qatysty.
Aıta keteıik, búgingi týrnırge Qazaqstan Respýblıkasy Prezıdentiniń Іs Basqarmasy, Qazaqstan Respýblıkasy Prezıdentiniń Teleradıokesheni, «QR PІB Injenerlik-tehnıkalyq ortalyǵy» ShJQ RMK, «Memlekettik rezıdentsııalar dırektsııasy» RMK, «Búrkit» memlekettik avıakompanııasy» RMK, «Býrabaı damý» JShS, QR PІB Medıtsınalyq ortalyǵy, «Astana-20» memlekettik qory, «QR PІB «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» sharýashylyq júrgizý quqyǵyndaǵy RMK, «Qazqurylysjúıesi» JShS, «QR PІB Avtosharýashylyǵy» RMK, «Materıaldyq-tehnıkalyq qamtamasyz etý basqarmasy» memlekettik mekemesi atynan komandalar qatysyp jatyr.
Týrnır sýdıasy Angelına Andreevna oıyn erejesin túsindirip berdi. 12 komanda tórt topqa bólinip jarysady. Ár topqa úsh komandadan kiredi. Osydan keıin komandalar fınalǵa shyǵady.
