QR Prezıdenti IKU-ǵa qatysýshylarǵa energetıkalyq saladaǵy ınvestıtsııalyq jáne tehnologııalyq yntymaqtastyq boıynsha birlekesken is-áreket josparyn ázirleýdi usyndy
ASTANA. 28 maýsym. QazAqparat/Marlan Jıembaı/ - QR Prezıdenti Nursultan Nazarbaev IKU-ǵa qatysýshylarǵa energetıkalyq saladaǵy ınvestıtsııalyq jáne tehnologııalyq yntymaqtastyq boıynsha birlekesken is-áreket josparyn ázirleýdi usyndy. Elbasy atalǵan usynysty búgin Astanada ótip jatqan Islam konferentsııasy uıymy Syrtqy ister mınıstrleri keńesiniń 38-shi sessııasynda jasady.
«IKU aıasynda energetıkalyq saladaǵy ınvestıtsııalyq jáne tehnologııalyq yntymaqtastyq boıynsha birlekesken is-áreket josparyn ázirleýdi jáne qabyldaýdy, sondaı-aq halyqaralyq ınnovatsııa ortalyǵyn qurýdy usyamyn», - dedi Memleket basshysy.
Elbasynyń Halyqaralyq energetıkalyq agenttiktiń baǵalaýyna súıenip, alǵa tartqan derekterine sáıkes, 2030 jylǵa deıin energoresýstardy óndirýdi jáne tasymaldaýdy qamtamasyz etý úshin 17 trıllıon AQSh dollary shyǵyndalmaq.
Musylman elderindegi problemalardy sheshý ıslam áleminiń ishinen júrgizilý qajettigin basa aıtqan Prezıdent, shıkizattyq vektordan ındýstrııalyq-ınnovatsııalyq damýǵa betý burý qajettigin basa aıtty.
Sonymen qatar Qazaqstannyń «Bolashaq energııasy» taqyrybydaǵy EKSPO 2017 búkilálemdik kórmesin ótkizýge óz kandıdatýrasyn usyǵanyn aıtqan N.Nazarbaev: «IKU músheleriniń bizdiń bastamamyzdy qoldaıtyndyǵyna jáne osy taqyryp boıynsha usynystardy talqylaýǵa belsendi qatysady dep senim artamyn», - dedi.
