QR Prezıdenti ІІM-ne Almatydaǵy qylmysqa qarsy kúresti jandandyrýdy tapsyrdy
ASTANA. 12 mamyr. QazAqparan - Memleket basshysy Nursultan Nazarbaev Іshki ister mınıstrligi men Almatynyń ishki ister departamentine qylmysqa qarsy kúresti jandandyryp, quqyq buzýshylyqqa qatysty aldyn alý sharalaryn ótkizýdi tapsyrdy,
dep habarlaıdy Almatydaǵy keńes qorytyndysy boıynsha Prezıdenttiń baspasóz qyzmeti.
«Qalada qaraqshylyqtyń, buzaqylyq faktileriniń, sýyq qarý qoldaný arqyly jasalatyn krımınaldyq oqıǵalardyń sany azaımaı otyr. Asa aýyr qylmystardyń sany (7 paıyzǵa), adam densaýlyǵyna óte aýyr zalal keltirý, adam zorlaý, qaraqshylyq jasaý men adamdardy qorqytý oqıǵalarynyń sany artty. Almaty oblysyndaǵy qylmys deńgeıi burynǵydaı respýblıka boıynsha eń joǵarǵy kórsetkishte tur - 10 myń adamǵa 124 qylmystan keledi (respýblıkada ortasha kórsetkish 60)», - delingen Prezıdent saıtynda jarııalanǵan habarlamada.
