QR Prezıdenti halyq úshin árqashan da ashyq ekenin málimdedi
ASTANA. QazAqparat - QR Prezıdenti Nursultan Nazarbaev el halqymen telearna arqyly tikeleı jelini ótkizýdiń qajettigin ázirge kórip turmaǵanyn aıtty.
Bul týraly Elbasy Astanadaǵy Qazaqstan-Túrkııa bıznes-forýmynan keıin tilshiler saýalyna jaýap berý kezinde málimdedi.
«Qazirgi kezde buqaralyq aqparat quraldary kabınette aıtqan sózdi mıllıondaǵan adamǵa jetkizýge qaýqarly. Sondyqtan mundaı konferentsııalardy ótkizýdiń qajettigi bar dep eseptemeımin»,-dedi Memleket basshysy.
Elbasy sonymen qatar, ár elde ózindik dástúr bar ekenin jáne olar osyndaı translıatsııalardy ótkizý týraly sheshim shyǵarýǵa ózderi quqyly ekenin atap ótti.
N. Nazarbaev óz sózinde árqashan da halyq úshin ashyq ekenin, sondaı-aq qazaqstandyqtarmen ashyq áńgime turǵysynda birneshe ret baılanysqa shyqqandyǵyn eske salyp ótti.
«Men de Internet jelisi arqyly ashyq túrde osyndaı sharalardy ótkizgenmin»,-dedi Prezıdenti.
Esterińizge sala keteıik, búgin RF Prezıdenti Vladımır Pýtın dástúrli «tikeleı jelini» ótkizip, onyń barysynda reseılikterdiń suraqtaryna jaýap berdi.
