QR Prezıdenti halyq ártisi ıÝrıı Pomerantsevti qabyldady
Memleket basshysy Almatydaǵy rezıdentsııasynda ótken kezdesý barysynda ıÝrıı Pomerantsevtiń Qazaqstannyń áleýmettik-gýmanıtarlyq damýyna zor úles qosqanyn atap ótip, ony 95 jasqa tolǵan mereıtoıymen quttyqtady.
«Sizdiń ómir jolyńyzdyń ózi - úlken erlik. Siz úsh júzden asa dramalyq rólderdi somdap, on eki fılmge túskenińizden bólek, soǵysqa qatystyńyz. Otandyq dramatýrgııa men kınonyń barsha moıyndaǵan sheberi ári ónerimizdiń maıtalmany bolýmen qatar, Siz tamasha ártisterdiń úlken shoǵyryn tárbıeledińiz jáne pedagogıkalyq qyzmetińizdi áli de jalǵastyryp kelesiz. Sizdiń uzaq ómir súrýińizdiń syry - tynymsyz eńbek etýińizde», - dedi Qazaqstan Prezıdenti.
Nursultan Nazarbaev ıÝ.Pomerantsevke «Qazaqstannyń Eńbek Eri» joǵary dárejeli erekshelik belgisin bere otyryp, onyń Qazaqstannyń halyq ártisi, Memlekettik syılyqtyń jáne «Tarlan» táýelsiz syılyǵynyń laýreaty, ІІ dárejeli Otan soǵysy jáne Eńbek Qyzyl Tý ordenderiniń kavaleri, «Qurmet belgisi», «Otan» jáne basqa da kóptegen medaldardyń ıegeri ekenin atap ótti.
«Sizdiń ónegeli ómirińiz ben belsendi qoǵamdyq qyzmetińizdi, Qazaqstannyń mádenıetin damytýǵa qosqan zor úlesińizdi kórermenderińiz ben ónerińizge bas ıetin birneshe urpaq biledi. Sony eskere otyryp, Sizge «Qazaqstannyń Eńbek Eri» ataǵyn berý jónindegi jarlyqqa qol qoıdym», - dedi Memleket basshysy.
ıÝ.Pomerantsev Nursultan Nazarbaevqa alǵys bildire otyryp, mundaı jetistikterge kóp jylǵy ári qajyrly eńbektiń arqasynda jetkenin atap ótti.
«Eń joǵary marapatty ala otyryp, ony qalaı aqtaımyn dep oılap otyrmyn. Jumys - meniń búkil ǵumyrym, meniń ómirimniń máni. Týǵan Qazaqstanyma qyzmet ete beremin», - dedi halyq ártisi.
