QR Prezıdenti Erjan Qazyhanǵa tapsyrma berdi

NUR-SULTAN. QazAqparat - QR Prezıdenti Qasym-Jomart Toqaev Reformalar jónindegi joǵarǵy keńestiń besinshi otyrysynda Halyqaralyq yntymaqtastyq jónindegi arnaıy ókil Erjan Qazyhanǵa tapsyrma berdi, dep habarlaıdy QazAqparat.

Atalǵan jıynda Qasym-Jomart Toqaev saıası, sot, ekonomıkalyq jáne áleýmettik salalardaǵy barlyq ózgeristerdi sheteldik áriptesterimizge saýatty jetkizý kerektigin aıtty. Atalǵan jumysty Halyqaralyq yntymaqtastyq jónindegi arnaıy ókil Erjan Qazyhanǵa úılestirýdi júktedi.

Sonymen qatar Memleket basshysy ınvestıtsııalyq daýlardy sheshý máselesin qozǵady. Osy rette Úkimetke bıylǵy jyldyń 1 tamyzyna deıin Ser Sýma Chakrabartıdiń baıandamasynda aıtylǵan máselelerdi jan-jaqty qarastyrýdy tapsyrdy. Bul jumysty úılestirý Prezıdent Ákimshiligine júkteldi.

Jıyn sońynda Qasym-Jomart Toqaev aldymyzda Qazaqstandy transformatsııalaý jáne jańǵyrtý boıynsha aýqymdy jumystar turǵanyn aıtty.

«Bizge sapaly serpin kerek. Ol úshin bárińizdi júıeli jáne tıimdi jumys isteýge shaqyramyn», – dedi Memleket basshysy.

Eske salsaq, bıyl 5 sáýirde Erjan Qazyhanov QR Prezıdentiniń Halyqaralyq yntymaqtastyq jónindegi arnaıy ókili bolyp taǵaıyndylǵan bolatyn.