QR Prezıdenti elordadaǵy «Botaly» otbasy densaýlyǵy ortalyǵyn kórdi
NUR-SULTAN. QazAqparat - Memleket basshysyna elordanyń alǵashqy medıtsınalyq-sanıtarlyq járdem jelisiniń damýy jáne «Úıdegi dáriger» jobasynyń júzege asyrylýy jóninde málimet berildi, dep habarlaıdy QazAqparat Aqordanyń baspasóz qyzmetine silteme jasap.
Qasym-Jomart Toqaev azamattarǵa, ásirese, qala halqynyń turaqty ósý jaǵdaıynda medıtsınalyq kómektiń sapasyn arttyrý jáne onyń qoljetimdi ári jaqyn bolýyn qamtamasyz etý qajettigin atap ótti.
Qazaqstan Prezıdenti medıtsınalyq kabınetterdi, jeńildikpen dári-dármekter beriletin dárihanany aralap kórdi. Sonymen qatar, zamanaýı tsıfrlyq tehnologııany qoldanatyn tirkeý bóliminiń jumysymen tanysty.
