QR Prezıdenti: EAEO elderi óziniń tranzıttik áleýetin tolyqqandy kórsete bilýi kerek
«Taktıkalyq qadamdar men bastamalar týraly da oılaný kerek. Osyǵan baılanysty kelesi máselelerge nazar aýdarýdy usynamyn: birinshiden, pandemııa kezeńinde ekonomıkalyq odaqqa múshe memleketterdiń úkimetteriniń basty mindetteriniń biri – kásipkerlik belsendilikti jigerlendirý. Іri kásiporyndardan qaraǵanda shaǵyn jáne orta bıznestiń ókilderinde kooperatsııa úshin jetkilikti múmkindik joq. Sonymen qatar bıznestiń bul túri – halyqtyń basym bóligin jumyspen qamtıtyn bizdiń ekonomıkalardyń negizgi elementi sanalady. Osyǵan baılanysty komıssııaǵa shaǵyn jáne orta bıznes ókilderin ıntegratsııalyq óndiristi jelige qatystyrarlyq sharalar keshenin ázirleýdi usynamyn», - dedi Qasym-Jomart Toqaev Joǵary Eýrazııalyq ekonomıkalyq keńestiń otyrysynda.
Prezıdent ekinshiden Qytaı men Azııadaǵy saýdanyń ósimi – Shyǵysty ekonomıkalyq gravıtatsııanyń ortalyǵyna aınaldyratyndyǵyn aıtty.
«Azııa shynynda da HHІ ǵasyrdyń aımaǵyna aınalýda. Búkil álemniń jalpy ishki óniminiń 28 paıyzy – osy Azııada shoǵyrlanǵan. Bul san tek óse bermek. Qazirgi tańda Shyǵysqa moıyn burý trendi jańa múmkindikterge jol asha bastady. Biz – Eýrazııalyq ekonomıkalyq odaqqa múshe memleketterge ózimizdiń tranzıttik áleýetimizdi tolyǵymen júzege asyra bilýimiz kerek. Transhekaralyq ýchaskelerdi jańǵyrtý jumysyna basa mán berýdi, Batys Eýropa – Batys Qytaı avtojolynyń Reseı aýmaǵyndaǵy qurylysyn aıaqtaýdy usynamyn. Sondaı-aq taýarlardyń ishki qozǵalysyn qamtamasyz etý úshin kóliktik dálizderdi tsıfrlandyrý jumysyn aıaqtaý kerek», - dedi ol.
