QR Prezıdenti daýly oqýlyqtar jaıynda oıyn aıtty

ASTANA. QazAqparat - Búgin Aqordada otandyq jáne sheteldik jýrnalıstermen kezdesken Elbasy Nursultan Nazarbaev mazmuny jańartylǵan oqýlyqtarǵa qatysty qazaqstandyqtardyń synyna oraı pikir bildirdi, dep habarlaıdy QazAqparat.

«Mán-jaıdy anyqtaıyq. Balalardy durys tárbıelep, durys oqytý úshin, suranysty qanaǵattandyrý úshin durys oqýlyqtar kerek. Ata-analar da rıza bolýy tıis. Bilim jáne ǵylym mınıstrligine problemanyń neden týyndaǵandyǵyn anyqtap, túsindirýdi tapsyramyn»,-  dedi Nursultan Nazarbaev BAQ ókilderiniń saýalyna oraı.

Esterińizde bolsa, buǵan deıin 5-shi synyp oqýshylarynyń ata-analary mazmuny jańarǵan orys tiline kóńilderi tolmaıtyndyǵyn aıtqan bolatyn. Olar kitapqa engen «jelilik ádep», «armandaǵan kólik», «avtomobıl jarnamasy» syndy sózderge narazylyq tanytqan edi.