QR Prezıdenti BUU qamqorlyǵymen adamı kapıtaldy damytý qoryn qurýdy usyndy

ASTANA. QazAqparat -- BUU qamqorlyǵymen adamı kapıtaldy damytý qoryn qurý qajet. Búgin Astana ekonomıkalyq forýmynyń jalpy otyrysynda QR Prezıdenti Nursultan Nazarbaev osylaı málim etti.

QR Prezıdenti óz sózinde damýshy jáne kedeı elderdegi adam kapıtalyn damytý ekonomıka ósiminiń ózegi bolýy tıistigin, saýatty da alǵyr adamy joq eldiń damýy tejeletindigin basa aıtty.
«Bul problemany sheshý úshin Birikken Ulttar Uıymynyń qamqorlyǵymen adamı kapıtaldy damytý qoryn qurýdy usynamyn. Bul qordyń basty mindeti kedeı elderdegi bilim men densaýlyq saqtaý sapasyn jaqsartý bolýy tıis», - dedi Elbasy.
Memleket basshysynyń alǵa tartqan ıÝNESKO derekterine sáıkes kedeı elderdi jalpyǵa ortaq bilim berý bazasymen qamtamasyz etý úshin 1 jylda shamamen 50 mlrd. dollar qajet bolady. «Bul problema halyqaralyq qoǵamdastyqtyń birlesken kúsh-jigeriniń esebinen ǵana sheshile alady», - dedi N.Nazarbaev.