QR Prezıdenti: Búgingi urpaq jeńimpaz maıdangerlerimizge máńgi qaryzdar

OTAR. QazAqparat - Ólsheýsiz erliktiń ónegesine aınalǵan babalar amanatyna árdaıym berik bolaıyq. Búgin Jaýyngerlik parad kezinde Elbasy - QR QK Joǵarǵy Bas qolbasshysy Nursultan Nazarbaev osylaı málim etti, dep habarlaıdy QazAqparat.

«Birer kúnnen keıin barshamyz 9 mamyr - Uly Jeńis kúnin toılaımyz. Bul jeńiske bizdiń ardaqty ardagerlerimiz ólsheýsiz úles qosty. Búgingi urpaq jeńimpaz maıdangerlerimizge máńgi qaryzdar. Barsha qazaqstandyqtar atynan ardagerlerimizge myńda bir alǵys aıtamyn. Óshpes dańq pen ólsheýsiz erliktiń ónegesine aınalǵan babalar amanatyna árdaıym bárimiz berik bolaıyq. Barshańyzǵa amandyq, beıbit ómir. Baq pen bereke tileımin. Merekelerimiz qutty bolsyn! Qazaqstan Respýblıkasynyń Qarýly Kúshteri jasasyn!», - dep quttyqtady Prezıdent.

Osy oraıda Elbasy qazaqstandyń áskerı qyzmetshiler eń qatygez soǵysta fashızmdi jeńgen bizdiń ákemelerimiz ben atalarymyzdyń jaýyngerlik aıbyny dástúriniń laıyqty muragerleri ekenin atap ótti.

«Biz árqashan olardyń ómir men týǵan jerdiń gúldenýi úshin sheksiz batyrlyǵy men óshpes erligin jadymyzda saqtaımyz», - dedi Memleket basshysy.

Budan buryn habarlanǵandaı, búgin Otan qorǵaýshy kúni aıasynda Elbasy - QR QK Joǵarǵy Bas qolbasshysy Nursultan Nazarbaevtyń qatysýymen jaýyngerlik parad ótip jatyr. https://kaz.inform.kz/news/otar-askeri-bazasynda-zhauyngerlik-parad-otip-zhatyr_a3244478