QR Prezıdenti: Bizde daǵdarysty eńserý úshin múmkinshilik pen resýrstar bar
ASTANA. QazAqparat - Bizde daǵdarysty eńserý úshin múmkinshilik pen resýrstar bar. Búgin "Nur Otan" partııasynyń kezekten tys 17-shi sezinde sóz sóılegen QR Prezıdenti, partııa Tóraǵasy Nursultan Nazarbaev osylaı málim etti.
«Biz jańa ahýalda ómir súrýdi, damý úshin múmkindikter taýyp, syn-qaterlerdi eptilikpen eńserýdi úırenýimiz qajet. Keıbireýleri jaqyn arada munaı baǵasy kóteriledi dep oılaýda. Bizge osy jaǵdaıda ómir súrýge úırený kerek. Bul uzaq úderis bolady. Múmkin bul jaqsy bolatyn shyǵar, ıaǵnı osy baǵyttaǵy sharalarmen aınalysý - qajetti qadam. Bizde daǵdarysty eńserý úshin múmkinshilik pen resýrstar bar», - dep toqtaldy Elbasy.
Osy oraıda Prezıdent Qazaqstan bul jaǵdaıda «Nur Otan» partııasy jaýapkershilikti jumystarǵa únemi daıar bolýy kerektigin qadap aıtty.
N. Nazarbaev munaıdyń tómen baǵasy jaǵdaıynda elimiz biraz ýaqyttan beri ómir súrip otyrǵanyna toqtala kele: «Eshteńe bolǵan joq qoı. Sondyqtan álemdik daǵdarysty eńseremiz, osy ahýalda jumys isteýge beıimdelý qajet», - dep túıdi sózin.
