QR Prezıdenti beıbit jıyndar jaıynda: 250 adam dep shekteý jónsiz
NUR-SULTAN. QazAqparat - Qazaqstan Prezıdenti Qasym-Jomart Toqaev informburo.kz aqparattyq-saraptamalyq portalyna bergen eksklıýzıvti suhbatynda qoǵam talqylaýyna túsken beıbit jıyndar ótkizý tártibi týraly zań jobasyna pikir bildirdi, dep habarlaıdy QazAqparat tilshisi.
«Joldaýymda aıtqanymdaı, beıbit jıyndar ótkizý azamattarymyzdyń Konstıtýtsııamen kepildik berilgen quqyǵy jáne jergilikti bılik bólgen, buǵan qosa qaladan tysqary emes jerlerde ótkize alady. Konstıtýtsııalyq qurylymdy buzýǵa baǵyttalǵan kez kelgen umtylys, sonymen qatar ekstremıstik zorlyq-zombylyq kórinisteri zańnamaǵa sáıkes toqtatylatyn bolady. Bul elimizdiń azamattarynyń basym bóliginiń múddesi úshin jasalady. Buǵan qosa, beıbit jıyndardy ótkizýdiń tek habarlandyrý tártibin engizý túbegeıli mańyzdy dep sanaımyn», - dedi Qazaqstan Prezıdenti.
Memleket basshysynyń atap ótýinshe, uıymdastyrýshylar bılikke jıynǵa qatysýshylardyń josparlanyp otyrǵan sanyn habarlaýy tıis. Bul olardyń qaýipsizdigin qamtamasyz etý úshin barynsha mańyzdy.
«Sol arqyly uıymdastyrýshylar da, jergilikti bılik te qoǵamdyq tártipti saqtaýǵa ekijaqty jaýapty bolady. Degemen, úkimettik zań jobasyndaǵy beıbit jıyndarǵa qatysýshylardyń sanyn 250 adam dep shekteý engizý jónsiz dep sanaımyn», - dedi Qasym-Jomart Toqaev.
