QR Prezıdenti bes reforma aıasyndaǵy «birtektilik pen birlik» baǵytyndaǵy jumysty oń baǵalady
Sóz arasynda Memleket basshysy Ult Josparyndaǵy Qazaqstan halqy Assambleıasyna júktelgen úsh negizgi baǵytqa toqtalyp, onyń barlyǵy tutastaı Qazaqstan halqy birligin, kelisimi men tatýlyǵyn nyǵaıtatynyn atap ótti.
«Aýqymdy jumys atqaryldy. Bes reformanyń tórtinshi reformasymen qoǵamnyń barlyq jigi qamtylýy kerek bolatyn. Máselen, memlekettik rámizder týraly jańa zań qabyldanyp, qazaqstandyq patrıotızm aıasyndaǵy rámizderdi paıdalaný máseleleri nazarǵa alyndy. Otbasylyq qundylyqtardy nyǵaıtý boıynsha jalpyulttyq, adamgershilik jáne rýhanı qundylyqtar jospary shoǵyrlandyryldy. Jalpyǵa ortaq eńbek qoǵamyn ilgeriletý boıynsha da jalpyulttyq josparlar júzege asýda. «Kásibıler lıgasy» jobasynyń da qoǵam men jastar úshin máni zor. Onyń aıasynda Dúnıejúzilik banktiń qoldaýymen óńirlerde 15 ahýaldyq ortalyq quryldy. Osynyń bárin túıindeı kele, men «birtektilik pen birlik» baǵyty boıynsha atqarylyp jatqan jumystardyń birinshi kezeńin oń baǵalaımyn», - dedi N. Nazarbaev.
Sonymen qatar, Elbasy osy baǵytta aýqymdy jumystar atqarylǵanyn ári oǵan jumsalǵan qarajattar da sonshalyqty kóp bolmaǵanyn atap ótti.
