QR Prezıdenti «Bastaý» jobasyna qoldaý bildirdi

NUR-SULTAN. QazAqparat – «Bastaý» ýaqytyly ári tolyq qarjylandyrýy tıis. Bul týraly Úkimettiń keńeıtilgen otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

Qazaqstan Prezıdenti Úkimet azamattardy kásipkerlikke baýlý úshin «Bastaý» jobasyn júzege asyrýdy jalǵastyrýy tıis ekendigin basa aıtty.

«Úsh jyldyń ishinde 90 myńǵa jýyq adam bıznes jobasyn usyndy. Biraq, sonyń úshten birine ǵana qarjy berilgen. Osy baǵdarlamany ýaqytyly ári tolyq qarjylandyrýdy qamtamasyz etý qajet»,- dedi Memleket basshysy.

Sonymen qatar Qasym-Jomart Toqaev eńbek zańnamasyn saqtaý, Qazaqstan jáne shetel jumysshylarynyń jalaqysyna jáne eńbek jaǵdaıyna qatysty teńsizdikke jol bermeý máselesin de baqylaýda ustaý kerektigin esertti.